📹 對大台嘅不滿
忍咗你地好撚耐啦
以下係我個人對大台行為上嘅不滿
唔想針對個別人士，只係想focus喺大台運動家政治明星嘅小圈子，加上要求佢哋對海外香港人負責
各何被代表嘅香港人都應該向自稱香港代表人嘅運動家政治明星問責
喺國際社會，政府，媒體眼中，呢班 “elite” 香港人就係香港社群嘅代表
呢一班人用自己喺呢香港社區擔任一個領袖或者乜乜組織成員嘅身份，對外搞倡議游説公關工作
唔洗講咁白，講香港社運明星，你個腦諗起邊個吖？
大家唔需要民選結果去指派呢班人，呢個身份已經成立左，有啲係天安門嗰陣已經做緊社運，有啲係一四年嘅有啲一九年嘅新秀社運明星
佢哋嘅origin story我冇乜興趣
就算佢哋口上會話支持民主香港，但佢哋連自己社區內所謂嘅非主流社運人士都唔敢面對
做嘢做唔成，俾建設性批評但個人ego 又太撚脆弱，聽唔入耳
唉
有冇人記得某某英國大台明星空降去澳洲搞活動？
仲有眾籌基金去空降自己去澳洲，完全唔理當地香港人嘅諗法
到澳洲之後某一啲港人嘗試同佢溝通，問吓有關港人政治立場上嘅分歧
點知人地社運明星完全唔肯show 草根港人
呢種自大無恥嘅行為激怒咗當地嘅草根港人而其他地方嘅香港人亦都對呢個社運明星留心眼
我喺呢度生活交稅同本地人建立一個合作關係，憑乜嘢你空降落嚟我居住嘅國家去dictate & direct我哋呢邊嘅香港人應該做啲乜嘢？
好清楚咁擺明係唔gur呢種嘅社運模式
特別美國英國嘅社運人好鍾意過嚟加拿大，但係本地嘅法律傳統政治乜撚都唔識，真係厚面皮到。。。
另外講一句啦，好多唔順應主流社運明星嘅anon 草根港人都會俾大台反咬一啖話係鬼，甚至有人報狗去拉自己人
喺社運明星呢個光環下面繼續［運動家］嘅身份
就算真係做唔到嘢，求其搞下遊行，錄個影片podcast 紀錄片，整個photo ops，又好似真係做緊嘢喎
令我最無語嘅係呢種大台人士一直都分成幾派，性格不合，某某唔gur某某，友情愛情合作關係離離合合
呢種toxic小學雞情商屌，仲要投射落身邊其他人度，「有佢冇我」
喂，咪玩啦，我唔撚care你gur唔gur我，我哋friend唔friend 。革命做嘢定玩遊戲啊屌... 開始離題…
其實好奇怪，話自己係香港運動家，但唔肯同自己社區裏面嘅人溝通
只因政治思想有別唔代表佢哋可以無視香港人嘅訴求
講到今時今日香港人革命嘅下一步就係建國
而建國必須要香港人社群一齊準備香港國嘅政治未來，決定香港嘅民主制度係乜嘢，成立啲乜嘢法律，境界喺邊度，邊個算係香港人
而呢啲討論加加埋埋會累積成香港國成立嘅基礎
每一個香港人必會有唔同嘅角度思想 ，而社區領袖嘅角色就係幫身邊嘅香港人一齊討論同埋達成共識
而大台人士呢一種， 甚至推崇杯葛人同組織
呢一種排斥性嘅行為其實與民主參與係成為一個絕對對立
當然喺呢一個影片入面我仲未加入大台對性少數女人或者非華人嘅敵對邊緣化
呢啲留返下次再傾
Comments ()